«Ертіс дарыны» ӨҚББОӘО 2022-2023 оқу жылының жұмыс жоспарына сәйкес 2023 жылдың ақпан айында облыстық жасөспірімдер қоғамдық-гуманитарлық бағыттағы жалпы білім беретін пәндер бойынша олимпиадасын өткізуді жоспарлайды.
Олимпиада 7-8 сынып оқушыларына: қазақ тілі мен әдебиеті, қазақ тілі орыс тілде оқытатын мектептерінде, орыс тілі мен әдебиеті, орыс тілі қазақ тілінде оқытатын мектептерінде, Қазақстан тарихы, ағылшын тілі пәндері бойынша өткізіледі.
Олимпиаданың облыстық кезеңіне қатысуға 7 сыныптан бір оқушы және 8 сыныптан бір оқушы шақырылады. Облыстың білім бөлімдері мен мамандандырылған мектептері үшін квота 12 оқушы (6 пәннен 2 оқушы).
Олимпиаданың өтетін күні мен орны кейінірек хабарланады.
