Павлодар облысы білім басқармасы «Ертіс дарыны» өңірлік қосымша білім беру оқу-әдістемелік орталығының жұмыс жоспарына сәйкес 2023 жылғы 13 сәуірде Павлодар облысының мектепке дейінгі ұйымдары мен жалпы орта білім беру мектептерінің мектепалды топтарына (сыныптарына) арналған «Жауқазын» олимпиадасы өткізіледі.
Олимпиаданың негізгі мақсаты – интеллектуалдық қабілеті жоғары деңгейдегі, дарынды және талантты мектеп жасына дейінгі ересек балаларды айқындау және қолдау көрсету болып табылады.
Олимпиада екі кезеңде өтеді: 2023 жылғы 5 сәуірде — 1 кезең (аудандық/қалалық); 13 сәуір — 2 кезең (облыстық).
