Өткізілу уақыты: 2024 жылғы 11-14 наурыз.
Өткізілу орны: Ы.Алтынсарин ат. дарынды балаларға арналған облыстық қазақ гимназия-интернаты (Айманов к-сі, 35), Павлодар қ. №35 орта мектебі.
Ұйымдастырушылар: Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы.
Турнир мақсаты: оқушыларды жоғары деңгейдегі зияткерлік сайыстарға тиімді дайындау.
Міндеттері: оқушылардың математика пәніне танымдық қызығушылығын ынталандыру; математикалық ауызша сөйлеуін, сыни тұрғыдан ойлауын, ұжымда жұмыс жасай алуын дамыту.
Жас математиктердің турнирі – инновациялық технологиялар даму саласында дарынды тұлғаны дамыту үшін аймақтық ынтымақтастық Меморандумы аясында өткізіледі.
Турнирдің басты бөлімі – командалардың күрделі есептер бойынша өз шешімдерін баяндауы.
Барлығы турнирге 16 команда құрамында 7-8 сыныптардан 96 оқушы қатысады. Өз командаларын Астана, Алматы қалалары, Ақтөбе, Шығыс Қазақстан, Жамбыл, Түркістан, Қарағанды, Алматы облыстары ұсынды. Павлодар облысының мамандандырылған және жалпы орта білім беру мектептерінен 3 команда және Назарбаев Зияткерлік мектебінен 2 команда қатысады.
Турнирді өткізу тәртібі
Турнир екі кезеңде өткізіледі. Бірінші кезең лигаларға бөлу үшін жазбаша түрде өткізіледі. Екінші кезең 3 тур бойынша 3 күнде өткізіледі. Түске дейін – математика сайысының есептерін шығару, түстен кейін – математикалық сайыс. Жеңімпаз командалар екінші кезең қорытындысы бойынша анықталады.
Турнир бағдарламасы:
11 наурыз – командалық кезең, екі лигаға бөліну
12 наурыз – есеп шығару, математикалық сайыс
13 наурыз – есеп шығару, математикалық сайыс
14 наурыз — есеп шығару, математикалық сайыс, турнирдің салтанатты жабылуы, қатысушылардың қайтуы.
