«Дарын» республикалық гылыми-практикалық орталығы Атырау облысының білім басқармасымен бірлесіп, 2024 жылғы 3-4 қазан аралығында отарлау саясатына қарсы азаттық қозғалыстың жарқын өкілі, қазақ халқының біртуар тұлғасы, батыр, ақын, күйші Махамбет Өтемісұлының шығармашылығына арналған республикалық байқау өткізді.
Байқау бес бағыт бойынша жүргізілді: «Ұлы арман» – Махамбет шығармаларына иллюстрациялық суреттер салу; «Ел құтқарар ер едім…» – ақын шығармаларын мәнерлеп жатқа оқу; «Шашақты найза, шалқар күй» – Махамбет күйлерін орындау; «Тартынбай сөйлер асылмын…» – жас ақындар сайысы; «Біз неткен ер, неткен ер? Сергелдеңмен өткен ер» – «Хандар мен ел билеушілер», «Батырлар» тақырыбының бірін қорғау.
Павлодар облысынан республикалық додаға өңірлік байқаудың жеңімпаздары қатысты: Май ауданы Жалтыр ЖОББМ 9-сынып оқушысы Смагулова Балерке; «Жас дарын» мамандандырылған мектеп-лицейінің 9-сынып оқушысы Әлібек Әли; Ы. Алтынсарин атындағы дарынды балаларға арналған облыстық қазақ гимназия-интернатының 11-сынып оқушысы Охиттан Нұриден; Екібастұз қ. Өлеңті ЖНББМ 9-сынып оқушысы Айтбаева Еркежан.
Республикалық шара қорытындысы бойынша «Біз неткен ер, неткен ер? Сергелдеңмен өткен ер» бағытында Айтбаева Еркежан ІІ дәрежелі дипломмен марапатталып, ақшалай сыйлыққа ие болды.
«Ертіс дарыны» ӨҚББОӘО
