Алматы облысы білім басқармасы «Жетісу дарыны» дарынды балалар мен талантты жастарды анықтау және қолдау оқу-әдістемелік орталығының ұйымдастыруымен 2022 жылғы 15 сәуірде жалпы білім беру мекемелерінің 7-11 сынып оқушылары арасында Алматы облысы Райымбек ауданы Қарасаз ауылында республикалық Мұқағали Мақатаев оқулары өткізілді.
Республика көлемінде өткізілген шараға 57 оқушы қатысты, соның ішінде, Павлодар өңірінен облыстық кезеңнің 3 жеңімпазы.
«Айтып өткен ақында арман бар ма?» – М. Мақатаев өлеңдерін жатқа оқу бағытында Екібастұз қаласы №25 қазақ қыздар гимназиясының 8-сынып оқушысы Рамазанқызы Мерей ІІІ дәрежелі дипломмен марапатталды.
«Жыр эстафетасы» – ақын поэмаларын жатқа оқу бағытында Екібастұз қаласы Атығай жалпы орта білім беру мектебінің 9-сынып оқушысы Амангелдіқызы Аяулым және «Көкірегімде жыр сәулесі маздайды…» жас ақындар мүшәйрасында Екібастұз қаласы С. Торайғыров атындағы №22 гимназия-мектебінің 11 сынып оқушысы Қайдаров Бексұлтан Алғыс хаттарға ие болды.
«Ертіс дарыны» өңірлік қосымша білім беру
оқу-әдістемелік орталығы
