Алматы қаласында 2024 жылғы 5-6 наурыз күндері Ш. Смағулов атындағы дарынды балаларға арналған мектеп-интернатының базасында дәстүрге айналған Ө.Жолдасбеков атындағы математика және механика бойынша XIV Халықаралық конкурсы өткізілді.
Конкурстың басты мақсаты-математика және механика саласындағы ғылыми-зерттеу жұмыстарына қызығушылық танытатын дарынды оқушыларды анықтау.
Іс-шараға еліміздің әр өңірінен және алыс-жақын шет мемлекеттердің 100-ден астам талантты 11 сынып оқушылары қатысты. Олар «Математика», «Қолданбалы математика», «Механика» және «Экономикадағы математикалық әдістер» секциялары бойынша бақ сынады.
Республикалық зерттеу жобалар конкурсына облыстық кезеңінің 7 жеңімпазы мен жүлдегерінен құрастырылған Павлодар облысының командасы қасты.
Конкурс қорытындысы бойынша алтын медаль және І дәрежелі диплом иегері Жаналиденова Анель Екібастұз қаласы №18 жалпы орта білім беру мектебінің оқушысы (математика секциясы, мұғалімі Жаналиденов Н.Ж.).
Қола медальмен және ІІІ дәрежелі дипломымен Алибаева Аружан Павлодар қаласы №7 жалпы орта білім беру мектебінің оқушысы (математика секциясы, Закарьянова А.Б.) марапатталды.
«Дарын» РҒПО-ның грамотасымен Қарапиден Алина дарынды балаларға арналған №3 гимназиясының оқушысы (экономикадағы математикалық әдістер секциясы, мұғалімі Шакенева Ш.К.), Шайфуллина Анель Қ.Сатпаев атындағы гимназиясының оқушысы (математика секциясы, мұғалімі Баймурат Жазира) ие болды.
«Ертіс дарыны» өңірлік қосымша
білім беру оқу-әдістемелік орталығы
