Щучинск қаласында (Ақмола облысы) 2024 жылғы 22-24 ақпан аралығында жаратылыстану-математикалық бағыт бойынша 2-7 сынып оқушыларының зерттеу жобаларының «Зерде» республикалық конкурсының қорытынды кезеңі өтті.
Конкурста биология, химия; физика, космос; информатика, робототехника, STEM инженерия; математика, қолданбалы математика; туризм және спорт секциялары бойынша зерттеу жобалары мен шығармашылық жұмыстар бағаланды.
Қорытынды кезеңге Қазақстанның барлық өңірлерінен 275 жас ізденушілер білім додасында бақ сынасты, оның ішінде Павлодар облысынан 12 оқушы – облыстық кезеңнің жеңімпаздары.
Жаратылыстану-математикалық бағыттағы байқаудың қорытындысы бойынша біздің оқушылар 5 жүлделі орынға ие болды: І орын – 2; ІІ орын – 2; ІІІ орын –1, Құрмет грамотасы — 7.
Айта кетейік, қоғамдық-гуманитарлық бағыт бойынша «Зерде» республикалық ғылыми жобалар мен шығармашылық жұмыстар байқауы 30 қаңтар мен 1 ақпан аралығында өткізіліп, оқушыларымыз 11 жүлделі орынға ие болды.
Жалпы республикалық конкурстын қорытындысы бойынша Павлодар облысының қоржынында барлығы 16 медаль, оның ішінде 4 алтын, 7 күміс және 5 қола медаль бар.
Конкурс аясындағы мәдени бағдарлама Бурабай курортының тамаша жерлеріне экскурсиямен қатар, жас зерттеушілер үшін психологиялық тренингтер, рөлдік ойындар мен ойын-сауықтарды қамтыды. Бұл саяхат Абылай ханның шыбындығы, Окжетпес тауы және Жұмбақтас шағылы сияқты аймақтың танымал көрікті орындарын көрсетіп, балаларға Қазақстанның табиғи және мәдени байлығын танытуға мүмкіндік берді. Бұл іс-шаралар олардың шығармашылық және зерттеу қабілеттері мен өзара қарым-қатынас және командалық жұмыс дағдыларын нығайтуға мүмкіндік берді.
Барлық жеңімпаздарды жеңістерімен құттықтаймыз!
«Ертіс дарыны» өңірлік қосымша білім беру
оқу-әдістемелік орталығы
