2022 жылдың 3 наурызында дарынды балаларға арналған №8 мектеп-лицейінің базасында жаратылыстану-математикалық бағыттағы және бағдарламалау пәндері бойынша облыстық іріктеу жасөспірімдер олимпиадасы өтті. Олимпиаданың мақсаты жоғары деңгейдегі олимпиадаларға қатысу үшін оқушыларды рейтингтік іріктеу және жаратылыстану-математикалық бағыттағы пәндер мен бағдарламалау бойынша олимпиадалық резервті құру болып табылады. Алты пән бойынша олимпиадаға 128 оқушы – облыстық жасөспірімдер олимпиадасының жеңімпаздары мен жүлдегерлері қатысты.
