Өтетін уақыты: 2024 жылғы 27-30 маусым күндері.
Өтетін орны: Олимпиада Қ.Сәтбаевтың отаны Павлодар облысының Баянауыл кенті, Ш.Айманов атындағы мектеп-интернаты негізінде өткізіледі.
Ұйымдастырушылар: Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы.
Олимпиада көрнекті ғалым және ғылымды ұйымдастырушы, өз заманының ең ірі ойшылы және табиғаттанушы – Қаныш Имантайұлы Сәтбаевтың 125-жылдық мерейтойы аясында өткізіледі.
Олимпиада математикалық, жаратылыстану-ғылыми және бағдарламалау бойынша 3 бағыт және математика, физика, биология, химия, география, информатика пәндерінен пәнаралық кешенді болып табылады.
Олимпиада мақсаты – оқушыларды жоғары деңгейдегі олимпиадаларға дайындау жүйесін жетілдіру және жаратылыстану-математикалық бағыттағы пәндер мен бағдарламалау бойынша олимпиадалық резерв құру.
Олимпиадаға Қазақстанның барлық облыстарынан, Астана, Алматы, Шымкент қалаларынан, «Назарбаев Зияткерлік мектептері» ДББҰ мен Павлодар облысының білім беру мекемелерінен 7 және 8 сынып оқушылары қатысады. Қатысушылардың жалпы саны — 116.
Олимпиада екі күн бойы 2 турда өткізіледі:
І тур – 3 бағыттың бірін таңдау бойынша жеке жазбаша түрде:
— математикалық (математика, физика, химия пәндерінен кіріктірілген тапсырмалар);
— жаратылыстану-ғылыми (химия, биология, география пәндерінен кіріктірілген тапсырмалар);
— бағдарламалау (тілдердің бірінде есептерді шешу: Pascal, С++, Python).
ІІ тур – жазбаша және ауызша түрде (теория және практика) 6 пәннің бірі таңдау бойынша, математика, физика, химия, биология, география — ауызша, информатика — жазбаша. 2-турдың практикалық тапсырмаларының шешімдері қазылар алқасының мүшелеріне ауызша тапсырылады.
Олимпиаданың қорытындылары екі турдың нәтижелері бойынша шығарылады.
Олимпиаданың жеңімпаздары мен жүлдегерлері «Дарын» республикалық ғылыми-практикалық орталығының І, ІІ, ІІІ дәрежелі дипломдармен және бағалы сыйлықтарымен марапатталады.
Олимпиада барысында қатысушылар үшін академик Қ.И.Сәтбаевтың мемориалдық мұражайына бару және Баянауылдың ұлттық табиғи саябағына қызықты экскурсия ұйымдастырылады.
Қосымша ақпарат: «Ертіс дарыны» ӨҚББОӘО, тел. 87074982294
