Алматы облысы білім басқармасының ұйымдастыруымен 2024 жылғы 21-22 қазан аралығында үшінші рет Жамбыл Жабаевқа арналған «Жыр алыбы – Жамбыл» атты республикалық жас ақындар айтысы өткізілді.
Республика көлемінде өткізілген айтыскерлер додасына жалпы орта білім беретін мектептердің 8-11 сыныптарынан 36 оқушы қатысты, соның ішінде Павлодар облысынан 2 жас ақын.
Шара қатысушыларына Қарасай ауданындағы «Анаға құрмет» мұражайына, Жамбыл Жабаев мұражайына саяхат және Сүйінбай, Жамбыл, Есенқұл бабаларға тағзым ету ұйымдастырылды.
Айтыс қорытындысында Ы. Алтынсарин ат. дарынды балаларға арналған облыстық қазақ гимназия-интернатының 10-сынып оқушысы Баршинбаев Мейржан ІІІ дәрежелі дипломмен марапатталып, ақшалай сыйлыққа ие болды. Павлодар қаласы №33 жалпы орта білім беру мектебінің 10-сынып оқушысы Қажет Еркешке Әсімхан Қосбасаров атындағы арнайы жүлде мен ақшалай сыйлық табысталды.
Алматы облысы білім басқармасының Алғыс хаттары шәкірттері өнер көрсеткені үшін Ы. Алтынсарин атындағы дарынды балаларға арналған облыстық қазақ гимназия-интернаты ақындар үйірмесінің жетекшісі Тұрғанбек Асығат Сәулетұлына және Павлодар қаласы №33 жалпы орта білім беру мектебі қазақ тілі мен әдебиеті пәнінің мұғалімі Куямбаева Арай Аскаровнаға табысталды.
«Ертіс дарыны»
өңірлік қосымша білім беру
оқу-әдістемелік орталығы
