Қазақстан Республикасы Оқу-ағарту министрлігінің орта білім беру Комитеті және «Хабар» ұлттық телеарнасының бастамасымен «ХХІ ғасыр көшбасшысы» зияткерлік ойынға Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы облыстық іріктеу кезеңін ұйымдастырып, өткізді.
Ойын мақсаты мен міндеті: оқушылардың оқу әрекетін ынталандыру; жоғары зияткерлік қабілеті бар, дайындығы жақсы әрі дарынды оқушыларды іріктеу және қолдау; еліміздің зияткерлік әлеуетін қалыптастыруға жәрдемдесу.
«ХХІ ғасыр көшбасшысы» зияткерлік ойны 11-сынып оқушылары арасында өткізілді. Облыстық іріктеу кезеңге аудандық, қалалық ойындарының 37 жеңімпазы қатысты.
Республикалық зияткерлік ойынға облыстық кезеңінің келесі бес жеңімпазы жолдама алды: Павлодар ауданы Заря жалпы орта білім беру мектебінің 11-сынып Жұмаш Алдияр; Қ. Сәтбаев атындағы дарынды балаларға арналған гимназиясының 11-сынып оқушылары Амангельды Ералхан және Жалешева Айым; облыстық көп салалы дарынды балаларға арналған лицей-интернатының 11-сынып оқушысы Амерканов Адиль; Екібастұз қ. №26 жалпы орта білім беру гимназия-мектебінің 11-сынып оқушысы Темербекова Жұлдыз.
«Ертіс дарыны» ӨҚББОӘО
