«Дарын» республикалық ғылыми-практикалық орталығының жұмыс жоспарына сәйкес 2024 жылғы 13-15 қараша күндері Астана қаласында шығармашыл оқушылар арасындағы «Ақберен» республикалық өнер байқауы өткізілді.
Республикалық шараның «Көркем сөз оқу», «Ақындар мүшәйрасы», «Шешендік өнер», «Ақындар айтысы», «Эссе жазу» және «Ұлттық аспапта өнер көрсету» атты 6 бағытында 132 оқушы бағын сынады.
Павлодар облысынан өңірлік кезеңнің келесі 6 жеңімпазы қатысты: Ы.Алтынсарин атындағы дарынды балаларға арналған облыстық қазақ гимназия-интернатының 10 және 11-сынып оқушылары Зекебай Нұрай, Жұмабай Қосман, Охиттан Нұриден; Павлодар қ. №7 ЖОББМ 11-сынып оқушысы Қайрулла Ділназ; Ақсу қ. Ю. Гагарин ат. ЖОББМ 10-сынып оқушысы Тиленш Еркебулан; Баянауыл ауданы М. Әуезов атындағы ЖОББМ 10-сынып оқушысы Тулеубекова Динара.
Байқау қорытындысы бойынша «Ақындар мүшәйрасында» І дәрежелі дипломмен Тиленш Еркебулан марапатталды; «Ұлттық аспапта өнер көрсету» мен «Шешендік өнерде» Тулеубекова Динара мен Зекебай Нұрай – ІІ дәрежелі дипломмен; «Көркем сөз оқу» мен «Ақындар айтысында» Жұмабай Қосманға, Охиттан Нұриденге арнайы номинация табысталды. Павлодарлық оқушылар 2 командалық орынға ие болды.
«Ертіс дарыны» өңірлік қосымша білім беру
оқу-әдістемелік орталығы
