18-21 ақпан аралығында Ақтөбе қаласының «Жекпе — жек» сарайында жаратылыстану-математикалық бағыты бойынша республикалық ғылыми жобалар конкурсы өтті.

Байқау халықаралық тәжірибеге сәйкес ашық көрме форматында өткізілді.

Оқушылардың республикалық ғылыми жобалар конкурсына физика, техника, Жер және ғарыш туралы ғылымдар, математика, қолданбалы математика, информатика, экономика, биология, химия, қоршаған ортаны қорғау және адам денсаулығы секциялары бойынша 441 жобамен 585 оқушы қатысты.

Павлодар облысын 15 жобамен 17 оқушы таныстырды – облыстық кезеңнің жеңімпаздары мен жүлдегерлері.

Республикалық ғылыми жобалар конкурсының қорытындысы бойынша Павлодар қаласының №11 орта мектебінің 9 сынып оқушысы Кацаев Тимур алтын медаль мен І дәрежелі дипломның иегері атанды (биология секциясы).

Қола медальдарымен және ІІІ дәрежелі дипломдармен Ы. Алтынсарин атындағы дарынды балаларға арналған облыстық қазақ гимназия-интернатының 11 сынып оқушылары Болатов Ильяс пен Жусупов Даниял (математика секциясы); дарынды балаларға арналған № 8 мектеп-лицейдің 8, 9 сынып оқушылары Елембаева Диана және Котелевцева Варвара (қоршаған ортаны қорғау және биология секциялары); дарынды балаларға арналған №3 гимназияның 9 сынып оқушысы Сүлейменов Асанали (техника секциясы); дарынды балаларға арналған облыстық көпсалалы көптілді лицей-интернатының 8 сынып оқушысы Искаков Алихан (қоршаған ортаны қорғау секциясы); облыстық дарынды балаларға арналған көпсалалы лицей-интернатының 11 сынып оқушысы Шаймұрат Аида (математика секциясы); Ақсу қаласының №8 орта мектебінің 10 сынып оқушысы Иманбаев Батырхан (қоршаған ортаны қорғау секциясы) марапатталды.

 «Ертіс дарыны» өңірлік қосымша білім беру

оқу-әдістемелік орталығы