Алматы қаласында оқушылар арасында информатикадан XVIІ Еуразиялық олимпиада аяқталды.
Олимпиаданың негізгі мақсаты-оқушылардың ақпараттық құзыреттілігін қалыптастыру, оқушылардың ақпараттық мәдениетін дамыту және есептеу ғылымдары, компьютерлік модельдеу және ақпараттық технологиялар саласындағы ең дарынды жастарды анықтау.
Екі кезеңнен тұратын олимпиаданың іріктеу кезеңі 255 команда 765 оқушы қатысты.Нәтижесінде, қорытынды кезеңге Қазақстан, Қырғыстан және Тәжікістаннан келген 216 оқушыдан құралған 72 команда шақыру алды.
Олимпиада қорытындысы бойынша Күміс медалімен Павлодар қаласы ер балаларға арналған «Білім-Инновация» лицей-интернатының 9-сынып оқушылары Досанулы Мансур, Каиртас Адиль, 11-сынып оқушысы Ермек Адиль (мұғалімі Хумархан Жантилек) марапатталды. Қола медальге Екібастұз қаласы ер балаларға арналған «Білім-Инновация» лицей-интернатының 10-сынып оқушылары Ситдиков Юсуф, Жаксыбек Нурмухамед, Сулейменов Ахмет (мұғалімі Есенгельди Ғани Сапарғалиұлы) ие болды.
