«Ертіс дарыны» ӨҚББОӘО-ғы  оқушылардың әлеуметтік жауапкершілік тәрбиелеу, экологиялық сауаттылығын арттыру, экологиялық мәдениетті қалыптастыру және табиғатты қорғау қызметіне бейімдеу мақсатында, сондай-ақ оқушылардың интеллектуалды-шығармашылық әлеуетін ынтыландыру үшін 5-8 сынып оқушыларына арналған «ProEco» республикалық экологиялық жобалар конкурсының облыстық кезеңін (бұдан әрі – Конкурс) 2026 жылғы наурыз айында  өткізілетіні туралы хабарлайды.

Конкурстың ережесі www.ertisdaryn.kz  сайтында орналасқан.

Ережеге сәйкес конкурс 3 кезеңмен өткізіледі:

          I кезең:  аудандық (қалалық),

          II кезең:  облыстық (іріктеу),

          III кезең:  республикалық (қорытынды).

               Облыстық кезеңге қатысу үшін аудандық, қалалық білім бөлімдері мен мамандандырылған мектептер көрсетілген квота бойынша 4 немесе 5 оқушы қатысады, әр бағыттан бір жобадан ғана ұсынылады..

Конкурс 4 бағыт бойынша өткізіледі:

1. «Туған өлке табиғаты» – 1 жеке жоба;
2. «Мені қоршаған әлем – ғажайып әлем» – 1 жеке жоба;
3. «Үздік экологиялық бастама» – 1 командалық жоба (2 қатысушыдан аспау тиіс);
4. «Таза қала сізден басталады» – 1 жеке жоба.

Білім беру ұйымдары басшыларының қолы қойылған өтінім, екі тілде Ехсеl-дегі электрондық нұсқасы, ertis_daryn_pvl@mail.ru поштасына 2026 жылғы 5 наурызға дейін жіберу қажет.