2026 жылғы 19-20 ақпанда Астана қаласында «AITU KazRoboDrone 3.0» дронрейсинг және авиамодельдеу халықаралық байқауы өтті. Байқау Astana IT University (бұдан әрі – AITU) базасында бірлескен ұйымдастырушы және бас демеуші ЖШС «Казахстан инжиниринг» Research&Development» орталығы қолдауымен ұйымдастырылды.
Халықаралық кезеңге Қазақстан Республикасы мен Тәжікстан Республикасының қалаларынан 160 қатысушы қатысты.
Байқаудың мақсаты – Қазақстан Республикасында ұшқышсыз технологияларды дамыту және танымал ету, сондай-ақ осы саладағы мектеп оқушыларының, студенттердің және мұғалімдердің кәсіби өсуіне жағдай жасау.
«AITU KazRoboDrone 3.0» халықаралық дронрейсинг және авиамодельдеу байқауында Павлодар облысынан 5 оқушы қатысты: Павлодар қаласы Қ.Мақпалеев атындағы жалпы орта білім беру мектебінің 5-сынып оқушысы Феклистов Константин, дарынды балаларға арналған №8 лицей-мектебінің 6-сынып оқушысы Трынов Марк, Павлодар қаласы Б. Момышұлы атындағы жалпы орта білім беру мектебінің 2-сынып оқушысы Байдолла Асқар, Павлодар қаласы Ш. Шөкин атындағы жалпы орта білім беру мектеп-гимназиясының 8-сынып оқушысы Рощенко Матвей, Павлодар қаласы №41 жалпы орта білім беру мектебінің 6-сынып оқушысы Радович Роман.
Халықаралық байқаудың қорытындысы бойынша авиамодельдеу сайысында Павлодар қаласы Қ. Мақпалеев атындағы жалпы орта білім беру мектебінің 5-сынып оқушысы Константин Феклистов 2-орынға ие болды.
Халықаралық кезеңге жолдама алған барлық қатысушылар қатысу сертификатына ие болды.
«Ертіс дарыны» қосымша білім беру
оқу-әдістемелік орталығы