2026 жылғы 1 қарашада Жамбыл облысының Тараз қаласында 9-10 сынып оқушылары арасында жас тарихшылардың «Менің шағын Отаным» атты IX республикалық зияткерлік конкурсы өтті.
Конкурс төрт номинация бойынша өткізілді:
- «Өлкемнің цифрлық шежіресі»
- «Бір жәдігер-бір тарих»
- «Тұлға және дәуір: цифрлық тарихи портрет»
- «Ақылды өлке: болашаққа арналған шешім»
Интеллектуалдық сайыс екі турдан тұрады:
I тур: барлық өңірлерде бір мезгілде басталатын тестілеу;
II тур: тиісті номинация бойынша стендтік жұмысты қорғау.
Павлодар облысынан республикалық додаға 4 оқушы қатысты: Мұхаметқали Меруерт Железин ауданы, Міржақып Дулатұлы атындағы №3 мектебінің 9 сынып оқушысы; Апсаликова Лина дарынды балаларға арналған №3 гимназиясының 10 сынып оқушысы; Етекбаева Адия облыстық көп салалы дарынды балаларға арналған лицей-интернатының 10 сынып оқушысы; Ибраев Олжас Железин ауданы, №1 мектебінің 9 сынып оқушысы.
Республикалық «Менің шағын Отаным» конкурсының қорытындысында:
ІІІ дәрежелі дипломға Апсаликова Лина, Етекбаева Адия және Ибраев Олжас ие болды.
Жас зерттеушілерді және олардың жетекшілерін лайықты жетістіктерімен құттықтаймыз!
