Павлодар облысы білім беру басқармасы «Ертіс дарыны» өңірлік қосымша білім беру орталығының жұмыс жоспарына сәйкес 2023 жылғы 12 мамырда жалпы білім беретін мектептердің 8-11 сынып оқушылары арасында ІІІ Республикалық «Мәшһүр Жүсіп оқулары» байқауы өткізіледі.
Шараны өткізу орны: Павлодар қаласы дарынды ер балаларға арналған «БІЛІМ-ИННОВАЦИЯ» лицей-интернаты.
Байқау 4 бағыт бойынша өткізіледі.
- «Алдыма өлең жаз деп қағаз келген, Сөзімді сөйлеп бақтым мен де білген» (ақындар мүшәйрасы).
- «Бас болып өнер білсең, тіпті жақсы» (ғылыми-зерттеу жоба қорғау).
- «Білімді зерек адам болам!» — десең, Қара өзіңді басқаның айнасымен» (эссе жазу).
- «Мәшһүр-Жүсіп шығармалары және «Ұлы даланың ұлы есімдері» (ұлттың ұлы тұлғаларын сипаттау).
Байқау ережесі https://ertisdaryn.kz сайтында орналастырылған.
